ხანდახან ჩვენს ცხოვრებაში ისეთი რამ ხდება, რასაც არ ველოდებით. ერთ-ერთი ასეთი სურპრიზია დაუგეგმავი ფეხმძიმობა.
დაუგეგმავად დაფეხმძიმდი? თუ ასეა, მარტო არ ხარ. ბევრი ადამიანი ფეხმძიმდება მოულოდნელად ცხოვრების რაღაც ეტაპზე.
თუ ფეხმძიმედ ხარ, შეიძლება აღფრთოვანებული, აღელვებული, მოწყენილი, ბედნიერი ან ყველა ერთად იყო!
გახსოვდეს, რომ შენ გაქვს აბორტის უფლება. ჩვენ გვჯერა, რომ ადამიანები თავად უნდა აკეთებდნენ არჩევანს საკუთარი ფეხმძიმობის შესახებ და უნდა ჰქონდეთ უფლება და ფაქტობრივი და მიუკერძოებელი ინფორმაცია არსებულ სამ ვარიანტზე: მშობლობა, გაშვილება თუ აბორტი.
მშობლობა
- შეგიძლია არ შეწყვიტო ფეხმძიმობა და გახდე მშობელი, მიუხედავად იმისა, გყავს თუ არა პარტნიორი;
გაშვილება
- შეგიძლია არ შეწყვიტოთ ფეხმძიმობა და ბავშვი გააშვილო;
- არსებობს გაშვილების არაერთი ვარიანტი, თავად შეგიძლია გადაწყვიტო, როგორი ურთიერთობა გექნება შენს გაშვილებულ შვილთან, თუ საერთოდ გენდომება.
აბორტი
- შეგიძლია აბორტი გაიკეთო;
- აბორტი არის ლეგალური და დაცული პროცედურა, რომელიც გავლენას არ მოახდენს შენს უნარზე, მომავალში დაფეხმძიმდე;
- აბორტზე არ არსებობს ასაკობრივი შეზღუდვა; ერთადერთი აუცილებელია, შენი ექიმი დარწმუნდეს, რომ გაცნობიერებულ არჩევანს აკეთებ;
გახსოვდეს: ეს შენი სხეული და შენი არჩევანია.
შენ ერთადერთი ხარ, ვინც უნდა გადაწყვიტოს, რა ჯობია შენთვის. დაუგეგმავი ფეხმძიმობის შესახებ გადაწყვეტილება მარტივიც შეიძლება იყოს და რთულიც. სრულებით ნორმალურია, დაბნეული იყო ან ურთიერთგამომრციხავი ემოციები გქონდეს.
ეცადე, შენზე გავლენა არ მოახდინოს იმან, რას ფიქრობენ სხვები. კარგი იქნება, თუ იპოვი ისეთ ადამიანს, ვისაც ენდობი, ვინც ობიექტურია და შენ გვერდით იქნება გადაწყვეტილების მიღებისას.
